Liebe Nutzer
TapaTalk hat vor einigen Tagen seine PrivacyTerms zur Erfüllung der DSGVO Bestimmungen geändert. Nach Prüfung durch unsere Anwälte sind diese Änderungen nicht ausreichend, wir mussten TapaTalk daher deaktivieren und ersuchen um Euer Verständnis. Euer PULVERDAMPF-Team

Doc's Diary Vol.3 - live from Burgenland

Die Pulverdampf-Kolumne von doc steel
Benutzeravatar
doc steel
MUSCLEGUNNER
MUSCLEGUNNER
Beiträge: 6915
Registriert: So 9. Mai 2010, 11:02
Wohnort: Palazzo Anzolo Rafael, Venezia

Doc's Diary Vol.3 - live from Burgenland

Beitragvon doc steel » Sa 2. Apr 2011, 00:10

dös is a feststellung, entstaundn in wirtshaus bei ana konferenz am sunndog beim früschoppen.
teilnehmer woarn lauta schbezialistn mit vü erfoahrung.
in wirtn sei oide hod nämli gfrogt wos zan sömvateidign mitnehma sull, wal nächstn mittwoch foahrts min bus auf wean auffe.
und ma hert jo so vüü, vo den wean.
wos durt ois passiert!
mir hom ihr daun genau gsogt wos ei'tuan sui ins handtaschl.

oisdann:
zerscht brauchst a bersl mit an göd. dös is wichtig, wal wanns di ausrau'm wön, werns eppa granti' wanns nix findn und haun da daun no a poar detschn owa!
daun brauchst an ausweis. der is a wichtig, wal wanns di nidaghaut hom und du no gaunz damisch bist, wia woass 'n sunst die bollezei mid wens es z'tuin houmb?
daun brauchst no a hendi - woasst eh, de neimodischn kloan telefon ohne schnirl zan ei'stecka - zan au'ruifm wannst ned dahoam bist.
jo, und an schlissl brauchst aa no. wannst wida hoamkimmst zan hoftor aufsperrn wann koana dahoam is. oda dei oida scho rauschich is und schloft und di ned pumpern hert. wal wannst'n vagisst muisst herausst am bangl sitzn und woartn dass wer kimmt und da aufsperrt. na und wanns so kiod is wia hiatz, kaus scho sei' dassd da wos gfruist bis wer daherkimmt.
dös warat hoid 's wichtigste.

jo und daun sein hoid no a poar sochn wos guid is wannst es mid host:
zan beispüü a lippmstift zan schee mocha bevurst wo ei' gehst und a birschtn dassd ned so zrafft wia a strohtristn daherkimmst.
und a toschntiachl. wal wos nutzt's wannst di schee mochst ois wiara kirtogstandl owa da rotz rinnt da iwas mäu?

jo, und des gaunze zeig zan sömvateidign braucha mir von laund jo eh nit.
wal mir houmb jo no a kroft und koa aungst.
wann ins oana bled kimmt, kriagt a a poar detschn und guid is. sulltns daun no ned gnui houmb, hau mas zamm mit die schedln. daun bleims eh glei a randl liegn.
wal merk da oans, houmb mir za den weib gsogt, mir von laund derfm si va dei in da stod nix gfoin lossn!
wanns aufmucken muisst es nir a glei ba d ohrwaschl zahn, wia die fadl und sie geht scha.....wirst segn!

oana hod daun no gmoant, dass eppa sou a pfeffaschbree gaunz guid war...
owa dös is fia uns vom laund nix!
des bissl brenna...
mir houmbs amoi auf d' nocht in wirtshaus ausprobiert und si gegnseiti ins mäu und in d' augn gspritzt.
wer länga woana muiss...
owa des hod goar nit gscheit gwirkt, wos mir glocht houmb...
wia da hea pfoara gsturm is, homma mehr gwoant.
mir houmb 's daun ins gulasch ei', dass a bissl griffiger wird!

oana hod daun no gmoant "und wos is, wass es iwafoin und dei vabrecha hom an rewuifa und daschuissn's wann's es göd nit glei hergibt?"
mir houmb daun a laungs hin und her dischkutiert, bis ins auf oa moi in wirtn sei oide untabrocha hod und gsogt hod:
"vor an rewuifa fiacht i mi eh nit. den reiss i eahm aus da haund und in finga reiss ia aa glei mid oh und daun vabuig i eahm in lauf, dassa nem vurbei schuisst!
mehr fiachtn tui i mi nur, dass mi eppa vagewoitign wölln....wal des bin i nit so gwehnt.
mir houmb daun beschlossn, dass am bestn is, wann sa si wenigstns a wetex-tiachl zan ohwischn fois amoi soachn muiss wou koa gloo ned is und fia nochn vagewoitign midnimmt und und a zweite unterhosn aa und guid is!
an gummi muiss eh er houmb, wal wann a koan hod, derf a hoid nir a wengl zuweschmecka und nit ei'hoidn.
sie is daun hoid sei schodn!
und wann eahm des nit recht is, wirds eahm scho a poa prackn...in wirt sei oide.

es sechts oiso mir burgenlandla hom zu soichane sochn, wos dena weana kopfzabrecha mocha no a recht naturbelossane ei'stöllung.
wal mir san mir,
mir san stärker wia die stier,
mir san stärker wia de bam,
wal ma burgenlandla san!
Zuletzt geändert von doc steel am Sa 28. Mai 2011, 09:54, insgesamt 1-mal geändert.
lg,
doc steel

https://www.bioresonanz-praxis.at/
*******************************************

Benutzeravatar
Hasenfuss
.50 BMG
.50 BMG
Beiträge: 664
Registriert: So 9. Mai 2010, 19:12

Re: Doc's Diary Vol.III - live from Burgenland

Beitragvon Hasenfuss » Sa 2. Apr 2011, 00:32

:obscene-smokingweed:
Wenn sie ein Bild von der Zukunft haben wollen, so stellen sie sich einen Stiefel vor, der auf ein Gesicht tritt. Unaufhörlich.

Benutzeravatar
Maxx
.223 Rem
.223 Rem
Beiträge: 172
Registriert: Di 31. Aug 2010, 20:57
Wohnort: Graz

Re: Doc's Diary Vol.III - live from Burgenland

Beitragvon Maxx » Sa 2. Apr 2011, 11:39

:mrgreen: :clap: :mrgreen:
Gruß + DVC
Max

Benutzeravatar
Stickhead
Moderator
Moderator
Beiträge: 4753
Registriert: Mo 10. Mai 2010, 17:47
Wohnort: Sagittarius A*

Re: Doc's Diary Vol.III - live from Burgenland

Beitragvon Stickhead » Di 12. Apr 2011, 20:10

wetex :tipphead: :lol: :clap:
Bild


Zurück zu „doc's diary“

Wer ist online?

Mitglieder in diesem Forum: 0 Mitglieder und 1 Gast