I und da Herbert(*) ham fürd self-Männer unter euch a Repzept!
(*) In Herbert kennts es no ned, den muss i euch bei Gelegenheit vorstelln, des is neuerdings mei anderer Nachbar, quasi s Gegenstück zum Horst)
Zutaten:
- 2 hiniche Klavierhocker, findst auf der Deponie.
- 2 Schraubstöcke, einen hast eh, den anderen findst auf der Deponie oder im depperten Nachbar sein Gartenhäusl wenn er grad auf Kur is.
- 1 Eisenbahnschiene 0,8-1m, kannsta bei jeden Bahnhof mit der Akkuflex und ana 230-er Diamant aussaflexen, 10 min Angst und ghert scho dir. Wenns is, bitte ned grad a Trum ausn Zuschauerbereich von Bahnsteig 1-4, sondern eher in letzten Meter von an Abstellgleis...sticht an ned glei so ins Aug wenns fehlt.
- U-Profil, Dimension wurscht, Haubsoch >80mm
Werkzeuge:
- 230-er Flex mit zwaa, drei Scheiben
- Schwasstrafo mid an Packl Böhler OHV (ohne Hirn verschweissbar)
- Buntlack nach Wahl oder wos grod überbliem is
Von die zwaa Klavierhocker brauch ma nur die Spindel. In Sitz und die Haxen kannst abflexen, abbrechen, ohsagln je nach Matriäu hoid. Von die Spindeln wird ane aufs ane End und die andre aufs andre End von der Eisenbahnschiene gschwasst.
Aufs obere End der Spindel wird da Schraubstock gschwasst.
Dass des Werkl dann ned seitlich umfoit, kannst auf a jeds End vo dera Schiene a U-Profil schwassn.
Owa im 90° winkel, ned der längs nach, du Plutzer!
Jetz brauchst nur mehr die Näht mit der Zopfbürschtn in der Flex versäubern, a Flaschl Nitro drüberschütten - aber tritt vorher in Tschick aus, wäu sonst woars es - und wenns vadunst is gehst min Buntlack-Spray drüber und fertig.
Ned vergessen vorn lackiern de Spindeln min Malerkrepp ohpicken!
Es reicht owa aa wennst a Billasackl drüber hängst...pass owa auf dassd ned der Gabi ihr neiche Jacken dawischt, die is aa so göb und greift si so au!
Es is nur weil oisa lackierter drahns ned so seidig, die Spindeln.
Sehr stabil, Nettogwicht ca fost so vü wie die Gabi, nimmt vom Flobert bis zur 50 BMG und drüber ois wos ausan Rohr schießt.
Fertig is Doc's Heavy Metall Sperrmüll Gun Service Station!
Thanks to our supporter
Altstoffsammelzentrum Brunn am Gebirge
Bahnhof Mödling
Koarl, Fraunz und Rudl vom Tankestellenespresso für den geistigen Input
Hornbach Baumarkt für die großzügige Retour-Annahme des defekten Schweißtrafos
Stihl Austria für die großzügige Retour-Annahme des defekten Akku Trennschleifer
Ammersin Getränkehandel
Weingut Eder
Salambo Bar mit Lola und Gobi sowie
Elfi, Karin, Maria, Nadja, Nina, Sybille, Horsti und
Hassan von Taxi Mühlauer fürs geduldige, mehrmalige Abholen vom Heurigen, Polizeiposten und Bezirksgericht und für den Erlass der Reinigungspauschale