doc steel hat geschrieben: ↑Fr 1. Mär 2019, 15:39
Am Land is das anders.
Da sitzt der Sepp, der was auf der BH im Waffenreferat orweit, im selben Gemeinderat wie du und wenn ned, so is er zumindest im selben Ferkelzüchterverband wo du der Vizesekretär vom Holzer Koarl bist. Der Holzer Koarl denst du seinerzeit mit der Ölpumpen für die Hydraulik von sein Traktor ausgholfen hast und wo er dafür in Sepp trotzdem no aufgnommen hat. Obwohl Mitgliedersperre war.
Und wenn des aa ned is, dann is der Amtsleiter von deiner Mutter ihrer Cousine da Bua, ma is also so oder so eh eng verwandt.
Und der sogt in Sepp scho was er tun muss.
Dazu kommt no, dass der Sepp weiß, dass du des gsegn hast wie er die Kirchgstettner Karin beim Blasmusik-Kirtag hintern Festzelt zwischen die Bierkisten pudert hat. Die Karin was zu den Zeitpunkt scho min Karlhofer Rudi fix zamm war! In Karlhofer Rudi is nämlich beim Verladen a Kuah aufn Haxen gstiegen und deswegen war er während n Zötfest mit an Gipshaxen in Krankenhaus. Deswegen hat die Kirchgstettner Karin allanich aufs Zötfest gehen miassn. Des hoda glei ausgnutzt, der Sepp, die oide Drecksau. Jedenfalls weiss er, dass du eahm gsegn hast, wiara die Karin gwetzt hod.
Dass si olladings nach eahm die Karin von dir aa wetzen hat lassen, waas er ned. Geht eahm aa nix an. Is aber normal, wäu die Karin lasst si eh von fast a jeden wetzen. Fünf Spritzer, drei Rüscherl und fünf Gummibärli und die Haxen gehen scho auseinander. Vatrogt jo nix, die Karin. Und dass dir die Karin beim eng tanzen ins Ohr gflüstert hat, dass er, der Sepp gar ned richtig kann, waas er aa ned, dass du des waast. Mocht owa nix, weil des hods beim eng tanzen in Sepp aa ins Ohr gfüstert, dass i ned gscheit kann. So gsehn kann die ganze Ortschaft ned gscheit. Bis aufn Horvath Heinz, der kann wirklich ned. Des is bekannt. Da gibt's sogar a Video davon. Des hod am vurign Feuerwehrball die Luise, die Schwester von der Karin gmocht! Die Luise wor nur auf Besuch, gottseidank! Die hod seinerzeit auf Jennersdorf owe gheirat. Is eh besser, wäu die Luise is a no vü größere Sau ois die Karin und die is scho a ziemliche Sau!
Was es eng tanzen angeht, bin i eich no a Erklärung schuldig.
Eng tanzen is am Land auf die Zötfester so a eigene Sach.
Eng tanzen kann ma aus verschiedenerlei Gründen. S afochste is, dass ma si erscht kennen glernt hod und frisch verliebt is. Die Paare verschwinden aber meistens ab zehne, elfe.
komplizierter wirds ab zehne , elfe mit die die no do san und eng tanzen. Entweder die Kapöön spüüt "Samba Pa Ti" oder "A whiter shade of pale", dann is eh kloar, a l'amour-Hatscher wie am so sogt. Do tanzt ois eng, die die si megn, die die si ned megn aa, Frau mit Frau wäus jetz eh scho wurscht is und Mau mit M.....na, öha...Mau mit Mau ned, des hod si bis zu uns owa no ned durchgsprochen dass des aa geht. Wurscht.
Owa, und jetzt kummts, wann die Kapöön an Peter Kraus Hadern spüüt oder "See you later Alligator" vom Bill Healey und do san zwischen die lokalen Bezirks-, Landes- und Wirtshaus-Meister in Rock'n'rollBoogieJive-Kombinationstanz tatsächlich aa, zwaa Paare die eng tanzen, dann san zwaa Sachen klar:
1. fett. Und zwar blunzenfett! und
2. sie kommen vo die Bierkisten hintern Zöt, die ham grad mitanand.
Des is quasi der Kuschelersatz wies bei uns am Land is bei Paare die ned richtig zamm san.
Was si der Sepp aber nu guad erinnern kann, trotz dass er fett wie die russische Erde war, is dassd eahm beim letzten Zötfest am Heisl beim Schiffen festghaltn hast, weil er sonst vor lauter Rausch ind Pissrinne gfalln und dort dersoffen warat.
Jedenfois und überhaupt und im ganz allgemeinen, so is es Leben am Land und s oane gibt s andre und die Wöd draht si weider und am End is kana neamd nix schuldig und die Erweiterung auf - so sog hoit wievüü dassd wüüst - is aa durch.